【實用工具app】M3 Keyboard (Myanmar)|最夯免費app-gigacircle

မြန်မာစာ ယူနီကုတ် ကီးဘုတ်ပါ။

ယခင် android version 4.4 အထက်ပဲ သုံးလို့ရအောင် ကန့်သက်ထားပေမယ့် Myanmar Unicode Area မှ android version 4.4 အောက်မှာပါ ယူနီကုဒ်သုံးနိုင်အောင် လုပ်ဆောင်နေသဖြင့် 4.0 အထက်ပါသုံးနိုင်အောင် ပြင်ဆင်ပေးထားပါတယ်။

(သို့သော် android version 4.4 အောက် ဖုန်းများတွင် သွင်းထားသော ယူနီကုဒ်သည် ၁၀၀ ရာနှုန်း ပြီးပြည့်စုံမှုမရှိသဖြင့် M3 Keyboard ၏ အထူးလုပ်ဆောင်ချက်များကို ကောင်းစွာ အသုံးချနိုင်မည် မဟုတ်ပါ။)

M3 Keyboard Settings ထဲမှာ အသုံးပြုနည်းနဲ့ အထူးလုပ်ဆောင်ချက်တွေလည်း ထည့်ပေးထားပါတယ်။

ယခင်သုံးနေကျ ဇော်ဂျီဖောင့် နဲ့ မြန်မာစာယူနီကုဒ်ဖောင့်ကို အလွယ်တကူ ပြောင်းလဲပေးနိုင်တဲ့ Z1M3 Converter application ကို တစ်ခါတည်း ထည့်သွင်းပေးထားပါတယ်။

မိမိပြောင်းလိုသော ဇော်ဂျီဖောင့် သို့မဟုတ် မြန်မာစာယူနီကုတ်ဖောင့်ကို select မှတ်ပြီး copy လုပ်လိုက်တာနဲ့ converter က အလိုလို ပွင့်လာပါလိမ့်မယ်။

ဒီ converter service ကို ပိတ်လို/ဖွင့်လိုလျှင် M3 Keyboard Settings ထဲရှိ Advanced Functions အောက်မှာ ၀င်ရောက် လုပ်ဆောင်နိုင်ပါတယ်။

နောက်ထပ် လုပ်ဆောင်ချက် တစ်ခုကတော့ M3 Keyboard ကို သုံးခြင်းဖြင့် မြန်မာစာရိုက်ရာတွင် လက်ရေးမူ(မြန်မာစာ သက်ပုံ) အတိုင်း ရိုက်နိုင်မှာပဲဖြစ်ပါတယ်။

ဥပမာ - သင်္ဘော = သ + င + ် + ္ + ေ + ဘ + ာ

နှစ်ချက်ထိစနစ်ကိုလည်း ထည့်ပေးထားပါတယ်။

shift နှိပ်ပြီးရိုက်ရမည့် စာလုံးများအား shift နှိပ်စရာမလိုပဲ ၎င်းနေရာရှိ စလုံးကို နှစ်ချက်ထိရုံဖြင့် ပေါ်လာမည်ဖြစ်သည်။

ဥပမာ - ဗ ပေါ်ရန် shift + ေ ရိုက်ရန်မလိုတော့ပဲ ေ ကို ၂ ချက်ထိရုံဖြင့် ဗ ပေါ်လာပါလိမ့်မည်။

အတိုကောက်စာလုံးများကိုလည်း ထည့်သွင်းအသုံးပြုနိုင်ပါပြီ။

အထူးပြုလုပ်ချက်အောက်ရှိ shortcut manager ကိုဝင်ပြီး ကိုသုံးလိုသည့် အတိုကောက်စာလုံးများကို ထည့်သွင်းနိုင်ပါတယ်။

စာရိုက်ရာမှာ မကြာခဏ မှားတတ်လေ့ရှိတဲ့ စာကားလုံးများအား အလိုအလျောက်ပြင်ဆင်ပေးပါတယ်။

ဥပမာ - စ + ျ နှင့် ဈ မှားခြင်း

ယူနီကုဒ်ကို အသုံးပြုထားခြင်းကြောင့် တိုင်းရင်းသား စာပေများကိုလည်း အသုံးပြုနိုင်ပါတယ်။

လက်ရှိတွင် ရှမ်း၊ မွန်၊ ပအိုဝ်ႏ၊ သက္ကတ/ပါဠိ၊ ကယား၊ ကရင် တို့ကို အသုံးပြုနိုင်ပြီး နောက်ထွက်မည့် ဗားရှင်းများတွင်လည်း ထပ်တိုးပေးသွားမည် ဖြစ်သည်။

ကီးဘုတ် ဒီဇိုင်းများ ပြောင်းလဲ အသုံးပြုနိုင်ပါသည်။

flat theme သုံးသူများအနေဖြင့် ကီးဘုတ်၏ နောက်ခံအရောင်ကို မိမိကြိုက်နှစ်သက်ရာအရောင်နှင့် ပြောင်းလဲအသုံးပြုနိုင်ပါသည်။

ပိုမိုရှင်းလင်းသော Setting အထားအသိုများဖြင့် key tone, vibrate, converter, typing method, keyboard height, key preview, font embed, keyboard language များကို အလွယ်တကူ ထိန်းချုပ်နိင်ပါသည်။

landscape mode တွင်လည်း အဆင်ပြေစွာ အသုံးပြုနိုင်ပါသည်။

အသုံးပြုရလွယ်ကူအောင် အခြားသော ပြုပြင်မှုများလည်း လုပ်ဆောင်ထားပါတယ်။